Schauinsland-Biketour

Vo Bade noch Freiburg, Schauinsland abe noch Kirchzarte –
luuter cooli Trails, ond das ned nome för die ganz Harte.
S1 ond es betzeli S2, s’Gondeli hert im Wind mendischtens S4 –
1000 Höhemeter uf 55 Kilometer, do hesch verdient dis Bier.
St. Peter, Kandeler Höhenweg, vom Rosschopf denn de Hubbelfuchs –
ufe gohts met X’tra zemli zügig, s’Loch ab denn emmer voll im Schuss.
Vom Timing bes zur Organisation alles perfekt –
bike met em Andi esch denn also ganz verreckt.
De Bääsewage Loschi ond de Andi voruus –
die beide chömed denn mol so rechtig druus.
Alli weder ganz deheime, niemer verletzt oder gar verlore –
i wörd mol säge, höt esch en neue X’tra Guide gebore.
Mer säged no einisch danke tuusig rächt vellmol –
ond freued öis bereits uf’s nöchste Mol.

Alle Fotos zur Tour findest du in diesem Album.

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert